அரைக்கீரையும் அதன் அற்புத நன்மைகளும்!!

 

பித்தசுரம் போக்கும்

குளிர்க்காய்ச்சலை குணமாக்கும்

உடல் வலிகளை நீக்கும்

ஜலதோஷம், சன்னி, வாதம், சளி, இருமல் ஆகியவற்றை போக்கவல்லது

உடலுக்கு வலுவூட்டும்

சூதக சன்னி கோளாறுகள் நீக்கும்

ஜீவசக்தியை பெருக்கும்

நரம்பு தளர்ச்சியை போக்கும்

மண்டை பீநிசத்தை நீக்கும்

    இக்கீரை சாதாரணமாக பயிரிடக்கூடிய ஒரு செடி வகையாகும்.இதன் இலையின் மேற்பாகம் பச்சையாகவும், அடிப்பக்கம் சிவப்பும், நீலமும் கலந்த தங்க நிறமாகவும் காட்சியளிக்கும்.கிளைவிட்டு வளரக்கூடியது.இலைகளும் தண்டுகளும் மிகவும் சிறியது. நாள்தோறும் உண்ணுவதற்கு ஏற்றது. எந்தவித நோயாளிக்கு கெடுதல் விளைவிக்காத முதல் சத்துணவாக விளங்கக்கூடியது.இக்கீரையில் இரும்பு சத்து உள்ளது.

   இக்கீரையை உங்களுக்கு பிடித்தவாறு சமைத்து உண்ண காய்ச்சல், நடுக்கம், சன்னி, காயாரோகம், வாதநோய் ஆகிய நோய்கள் நீங்கும். இக்கீரையுடன் துவரம்பருப்பை சேர்த்து காய்ந்த மிளகாய் இரண்டு கிள்ளி போட்டு தாளித்து அவியலாக செய்து சாப்பிட சளி இருமல், கப இருமல் யாவும் நீங்கும். அத்துடன் வெங்காயமும், பெருங்காயமும் சேர்த்து பொரியலாக செய்து சாப்பிட ஜலதோசம், சன்னி, பாதசுரம், குளிர்காய்ச்சல் ஆகியன தீரும். பித்தசுரம், வாய் ருசியற்ற போதும் பசியற்ற நிலையிலும் இக்கீரையை பழம்புளியுடன் கடைந்து சாப்பிட பகலவனை கண்ட பனி போல நீங்குமாம்.

         வாதம், வாயு, உடல் வலிகளுக்கு, சுக்கு, பூண்டு, மிளகு, பெருங்காயம் சேர்த்து சமைத்து சாப்பிட அவை குணமாகும்.  பிடரி நரம்பு வலித்தல், மண்டை பீநிச நரம்பு வலித்தல், சன்னித் தலைவலி, கண் நரம்பு புடைப்பு ஆகியவைகளுக்கு இக்கீரை மிகவும் நல்லது. மாதவிடாய் காலத்தில் பெண்களுக்கு ஏற்படும் சுதாகாசன்னிக் கோளாறுகளை அரைக்கீரை உணவின் மூலம் குணமாக்கிக் கொள்ள முடியும். தவறான வழிகளில் சக்தியை இழந்தவர்களுக்கு இக்கீரை அருமருந்தாக பயன்படுகிறது. ஜீவசக்தியை பெருக்க உதவுகிறது.

  கிராமப்புறங்களில் இக்கீரையின் விதைகளை அரைத்து மாவாக்கி பயன்படுத்துவது உண்டு. நாட்ப்பட்ட பிணிகளை அரைக்கீரை போக்கக்கூடியது. இதன் விதைகளிலிருந்து தயாரிக்கப்படும் தைலம் கண்ணுக்கு குளிர்ச்சி தரக்கூடியதாக உள்ளது.

     தலைமுடி நன்கு செழித்து வளரவும், சிறுவர், சிறுமிகள் சுறுசுறுப்பாக செயல்படவும் மூளையை வலிமைப்படுத்தவும், உடல் உறுதிக்கும், சிறந்த நினைவாற்றலை பெற்றுக்கொள்ளவும் வாரத்தில் இருமுறையாவது அரைக்கீரையை உணவில் சேர்த்துக்கொள்வது நல்லது.    

இதுபோன்ற பயனுள்ள பல தகவல்களைத் தெரிந்து கொள்ள டயாவின் சித்த மருத்துவமனை யுடன் இணைந்திருங்கள்.