நோய் எதிர்ப்பு சக்தியை அதிகரிக்க உதவும் தர்ப்பை புல்!!

 

களைத் தாவரமாக கருதப்படும் தர்ப்பை புல்லில் ஏராளமான மருத்துவ குணங்கள் உள்ளன என்பது  இன்றும் நம்மில் பல பேருக்கு தெரிந்திருக்க வாய்ப்பில்லை  .

 இந்த தர்ப்பை புல் குளிர்ச்சி தன்மை உடையதாக இருப்பதால் பழங்காலங்களில் கூரைகள் அமைக்க பயன்படுத்தப்பட்டுள்ளது.

இது லேசான துவர்ப்பு மற்றும் இனிப்பு சுவையுடனும் இருப்பதால் சீனா போன்ற இடங்களில் பயன்படுத்தப்படும் ஜெல்லி, வினிகர், சாஸ், தேநீர், ஒயின், பற்பசை போன்ற அன்றாடம் பயன்டுத்தப்படும் பொருட்களில் இதை சேர்த்து பயன்படுத்தப்படுவதாக கூறப்படுகிறது.

தர்ப்பை தாவரத்தில் சபோனின்கள், கிளைக்கோசைடுகள், கெளமாரின்கள், ஃபிளேவனாய்டுகள், மற்றும் பீனால்கள் போன்ற 72 விதமான வேதிப்பொருட்கள் பிரித்து எடுக்கப்பட்டுள்ளதாம்.

தாவரவியல் பெயர்  : Imperata Cylindrica

ஆங்கிலப் பெயர் : Blady Grass

மருத்துவ குணங்கள்:

•          நோய் எதிர்ப்பு தன்மையை அதிகரிக்கிறது.
•          புற்றுநோய் செல்களின் வளர்ச்சியை தடுக்கிறது.
•          நுரையீரல், இரைப்பை மற்றும் சிறுநீர்ப்பை போன்ற உள்ளுறுப்புகளை நோய்தொற்று ஏற்படாமல் தடுக்கிறது
•          சிறந்த ஆன்டிஆக்சிடெண்டாகச் செயல்படுகிறது
•          உயர் இரத்த அழுத்தத்தை குறைக்க உதவுகிறது
•          உடலில் இருக்கும் தேவையற்ற கொழுப்பை குறைக்க உதவுகிறது.
•          சர்க்கரை நோய் வராமல் தடுக்க உதவுகிறது.
•          சிறுநீரக செயல்பாட்டை மேம்படுத்த உதவுகிறது .

இவ்வளவு மருத்துவ குணங்கள் கொண்ட தர்ப்பை புல்லை நன்கு காய வைத்து பொடி செய்து பயன்படுத்தலாம். நீரில் போட்டு கொதிக்க வைத்து தேநீருக்கு பதில் பயன்படுத்தலாம் .    

Published by :டயாவின் சித்த மருத்துவமனை